رساله اليها

موضوع: رساله اليها الجمعة ديسمبر 11, 2009 2:19 am

مساء الخير

ياريشـتـي عـبِّـري والشـعـر ينسـاقـي
خُطـي لـهـا ابـيـات مـوزونـة قوافيـهـا
قولي لهـا انـي أمـوت بْذوقهـا الراقـي
واشتـاق انـا حـيـل تحضـنّـي اياديـهـا
والـصـد مــا ردّنــي عنـهـا ولاعـاقـي
مـازلـت وافــي لـهـا مـانـي بناسـيـهـا
وان زارنـي طيفهـا آقـف علـى ساقـي
واتخيلـه شخصهـا وانـسـى واناديـهـا
وشْـبــك تـغـيـرت يـادنـيـاي وافـاقــي
وانـا علـى العهـد ووعــودي موفيـهـا
كانـك عجولـة تبـيـن البـعـد وافـراقـي
وفـي عهـودا عـلـى نفـسـك قطعتيـهـا
وتْذكّـري انــي مـعـك وافــي بميثـاقـي
وان الخيـانـة حـشـا مـانــي بنـاويـهـا
هـذا جـزا يـوم حبيـتـك مــن اعمـاقـي
وانا احسب انك لجرحـي طـب يبريهـا
حالـي غـدا مـثـل نبـتـة مالـهـا سـاقـي
يبْست من الغبّ يوم ان غـاب ساقيهـا
كنتي من اول ضيا صبحـي ومشراقـي
والعيـن فـي غيبتـك كـن الـرمـد فيـهـا
الفكـر فـي غيبتـك محـتـار مــا راقــي
وش لـون تحـلا حيـاةٍ مانـت لـي فيهـا
زادت علـيّ الهمـوم وخاطـري ضاقـي
والنفـس غيـرك حشـا مـاحـد يسليـهـا
شــكـــواي لله خــلاقـــك وخـــلاقـــي
عـسـى هـمـومٍ عـلـى قـلـبـي يجلّـيـهـا
حاولـت اسلّـي خـفـوق بــسّ ماطـاقـي
ونــار هـجـرك تــرى مـانـي بقاويـهـا
القلـب مشتـاق لــك بالحـيـل مشتـاقـي
والدمعـة اللـي بعيـنـي كـيـف اداريـهـا
وشلون بروى ضماكي وانـتِ ترياقـي
يبْسـت حنايـا ضلوعـي مــن يرويـهـا
مانـي لغيـرك مــن الزيـنـات عَشّـاقـي
غيـرك مـن البيـض عينـي ماتراعيهـا
حبـك جـرى فـي شراييـنـي ولا بـاقـي
فـي الجسـم منـي خليـة مـا نبـت فيهـا
هـذي رسالـة تعبـر لـك عـن اشواقـي
أمـا احفظيـهـا بقلـبـك واعتـنـي فيـهـا
والّا احرقيهـا إذا يرضـيـك الاحـراقـي
كمـا حرقـتـي خـفـوق الـلـي مسويـهـا
رسالـة الحـب لـك مـن قـلـب صـداقـي
تحمـل عبيـر الوفـا لــك فــي معانيـهـا
ان كان لي في خفوقك عطف واشفاقي
نـفــسٍ تـهـيـم بـغـرامــك لا تعـنـيـهـا
خلـي غصـون المحبـة تـورق ايراقـي
مـادام روحــي رهيـنـة حـبـك اغليـهـا